Սուրճի մրուրով գուշակության ժամանակ մարդու ճակատագրի վերաբերյալ գուշակությունն արվում է ըմպած սուրճի բաժակում նստվածքից առաջացած պատկերների վերլուծության արդյունքում:
Սուրճի մրուրով գուշակությունը առօրյա կյանքում օկուլտիզմի ամենատարածված դրսևորումներից է: Տարբեր լեզուներով հրատարակվել են բազմաթիվ գրքեր (այդ թվում նաև «Սուրճի մրուրով գուշակության հանրագիտարան»-ը) և ձեռնարկներ, որոնք օգնում են մեկնաբանել սուրճի մրուրից ստացված նախշերը:
Գուշակության համար սուրճը պատրաստում են այնպես, որ նստվածքը մնա բաժակի մեջ: Դրա համար այն կա՛մ արևելյան ձևով են պատրաստում, կա՛մ ուղղակի ջրով են լուծում:
Սուրճի մրուրով գուշակության համար, սուրճն ըմպելուց հետո բաժակը շրջում են ափսեի վրա, որպեսզի սուրճի մրուրը սահելով իջնի և «նախշեր» թողնի բաժակի պատերի վրա: Հենց այդ նախշերի ուսումնասիրության վրա էլ հիմնվում է գուշակությունը: Շատ ձեռնարկներ խորհուրդ են տալիս այդ արարողությունը զուգորդել «կախարդական» խոսքերով:
Սուրճի թողած նախշերի մեջ տարանջատում են գծեր, շրջանակներ, թագեր, շեղանկյուններ, խաչեր, քառակուսիներ, անկյուններ, եռանկյուններ, օվալներ, տներ, կենդանիներ, կահույք, պատուհաններ, մարդկային պատկերներ, ծաղիկներ, ծառեր, թվեր, տառեր: Եվ դրանցից յուրաքանչյուրն էլ ինչ-որ նշանակություն ունի:
Արևելյան ձևով սուրճը՝ կոլորիտային ըմպելիք է: Պատրաստման գլխավոր գաղտնիքը շատ մանր աղացած սուրճի մեջ է:
Արևելյան սուրճ պատրաստելու դասական բաղադրատոմս՝ մեկ գավաթ սուրճ պատրաստելու համար.
Աղացած՝ «փոշի» դարձրած սուրճ- 1 թեյի գդալ;
շաքարավազ-1 թեյի գդալ (կամ ըստ ճաշակի);
ջուր- 1 սուրճի բաժակ սառը ջուր:
Արևելյան ձևով սուրճի պատրաստման եղանակը.
Սրճեփի մեջ սցնել մեկ գդալ աղացած սուրճ, շաքարավազ և մեկ սուրճի բաժակ ջուր:
Սուրճը հարկավոր է եփել թույլ կրակի վրա՝ չարժե շտապել, քանզի ինչպես ասում են. սուրճը պետք է մարմանդ եփվի, «մտորի»:
Սուրճը հասցնում են եռման աստիճանի, որպեսզի վրայի սերը բարձրանա, բայց չեն եռացնում, որպեսզի սերը մնա: Հենց որ սերը բարձրանա՝ սուրճը կարելի է լցնել բաժակները և մատուցել:
Գուշակության համար սուրճ խմելիս աշխատեք բաժակը պահել այն ձեռքում՝ որով գրում եք:
Բաժակի հատակին մի փոքր նստվածք թողեք:
Նույն ձեռքով, ժամացույցի սլաքի ուղղությամբ երեք անգամ պտտեք բաժակը, որից հետո բաժակը թեքեք դեպի Ձեզ և նստվածքի մի մասը լցրեք սուրճի ափսեի մեջ:
Վերջում բաժակը թեքեք դեպի դուրս, որպեսզի նստվածքի մնացած մասն էլ թափվի ափսեյի մեջ:
Շրջած բաժակը 10-15 րոպեով հարկավոր է թողնել ափսեյի մեջ, որպեսզի նստվածքը լավ չորանա:
Լուսանկարեք սուրճի բաժակի ներսի երկու պատերը,
ինչից հետո մատով «ծակեք» սուրճի բաժակի հատակի նստվածքը ( ժողովուրդն ասում է «սիրտը բացել») և լուսանկարեք նաև բաժակի հատակը:
Արդյունքում պետք է երեք լուսանկար ստացվի (տես վիդեո-հրահանգները):
